न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
हुम्ला – हिमाली जिल्ला हुम्लाको सदरमुकाम सिमकोटमा पनि अन्तर्राष्ट्रिय नारी दिवस धुमधामका साथ मनाइयो । सिमिकोट गाउँपालिका र सदरमुकाममा रहेका गैरसरकारी संस्था र महिला समुहहरुको संयुक्त आयोजनामा नारी दिवस मनाइएको हो ।
चिसो मौसममा हिउँसँंग खेलेर यहाँका महिलाहरुले फरक ढंगले यो दिवस मनाए । महिलाहरु बाटोकाे हिउँ छिचाेल्दै चिसो मौसमलाई छल्न बाक्ला लुगा, जुत्ता र टोपीमा ठाँटिएका थिए । यसले गर्दा र्यालीमा हुम्ली भेषभुषा झल्किएको थियो ।
जिल्लाका विभिन्न ठाउँबाट आएका महिलाहरुले आफ्नो भेषभुषा झल्किने र्यालीसहित प्लेकार्ड बोकेर बजारमा निस्केका थिए । बजारको परिक्रमा गरेर जिल्ला समन्वय समिति हुम्लाको सभा हलमा पुगेपछि कार्यक्रम मनाएका छन् ।
‘लैगिक समानताका लागि समान सोच र व्यवहार : समृद्धिको आधार’ भन्ने मूल नाराका साथ जिल्लाका ७ वटै गाउँपालिकाको महिला शाखाका महिलाहरुको पनि सहभागिता थियो ।
सिमकोट र नाम्खा गाउँपालिकामा बाटोमा अझै हिउँ जमेकोले हिउँको चिसोसँगै महिलाहरुले यस वर्षको नारी दिवस भव्य रुपमा मनाए ।
।