बाग्मती, गण्डकी, लुम्बिनी र कर्णालीका केही ठाउँमा दिउँसोपछि ह...
बैशाख ८, २०८१ शनिबार
बलिउडकी सदाबहार गायिका लता मंगेशकरले पुलवामा आक्रमणमा शहीद भएका सैनिक परिवारलाई १ करोड रुपैयाँ सहयाेग गर्ने घोषणा गरेकी छिन् ।
लता मंगेशकरले ‘भारत का वीर’ नामको एपमार्फत यो रकम दान गर्नेछिन् । यो एप भारतको गृह मन्त्रालय अन्तर्गत काम गर्छ । जसका माध्यमबाट शहीद परिवारलाई आर्थिक मद्दत गरिन्छ ।
लता मंगेशकरले उनको व्यक्तिगत बैंक खाताबाट १ करोड रुपैयाँ दान गर्ने भएकी हुन् । लता मंगेशकरको परिवार तथा आफन्तजनले याे रकम बाहेक थप ११ लाख रुपैयाँ पनि शहीद परिवारलाई दान गर्ने बताइएको छ ।
गएकाे फेब्रुअरी १४ मा जम्मु-कश्मीरको पुलवामामा सीआरपीएफका जवानहरु चढेको गाडीमा आतंककारी हमला भएको थियो । त्यस हमलामा ४० जना सुरक्षाकर्मीको ज्यान गएको थियो । त्याे हमलामा ज्यान गुमाएका शहिदका परिवारलाई लता मंगेशकर भन्दा अगाडि पनि बलिउडका अन्य कलाकारहरुले सहयोग गरेका थिए ।
अभिनेता अक्षय कुमारले शहीद परिवारलाई ५ करोड रुपैयाँ सहयाेग गरेका थिए । अभिनेता अमिताभ बच्चनले प्रत्येक शहीदका परिवारलाई ५/५ लाख रुपैयाँ सहयाेग गरेका थिए ।