प्रदेश १ मा डेढ खर्ब लगानी गर्दै एशियाली विकास बैंक

 जेठ ४, २०७६ शनिबार ८:७:२० | उज्यालो सहकर्मी
unn.prixa.net

माेरङ - प्रदेश नम्बर १ अन्तर्गतका मुख्य शहरको वृहत्तर विकासको लागि एशियाली विकास बैंकले डेढ खर्ब रुपैयाँ लगानी गर्ने भएको छ ।

आगामी तीन वर्षभित्रै आयोजना सुरु गर्ने गरी बैंकले लगानी गर्न लागेको हो । बैंकले लगानी गर्ने सुनिश्चितता देखाएपछि भौतिक पूर्वाधार मन्त्रालयले हालै काठमाण्डौमा सरोकारवाला स्थानीय तहका प्रमुखहरुसँग छलफल चलाएको छ ।

प्रदेश नम्बर १ मा यति ठूलो रकम एकै पटक एशियाली विकास बैंकले लगानी गर्न लागेपछि स्थानीय तह हौसिएका छन ।  विराटनगर, दुहवी, इटहरी, इनरुवा, धरान र दमक शहरको स्तरवृद्धिको लागि याे लगानी हुन लागेको हो  ।

भौतिक पूर्वाधार मन्त्रालयका सचिव डा. रमेशप्रसाद सिंहले आगामी डेढ वर्षभित्रै योजना छनौट गरी सरोकारवाला नगरपालिकासँग सहकार्य गरेर डीपीआर तयार हुनेछ ।

यो बजेटबाट सम्बोधन हुने गरी विराटनगरको विकासका लागी प्राथमिकतामा परेको विराट राजाको दरवारको संरक्षण, रिङरोडको निर्माण, विराटनगर बिमानस्थलको स्तराेन्नती, कोशी अस्पातालको स्तराेन्नती, डंग्राहामा फोहर प्रशोधन केन्द्रको निर्माण, नहरको सडकलाई वाइपास सडक  निर्माणको प्रस्ताव पेश  गरिएको विराटनगर महानगरपालिका मेयर भिम पराजुलीले बताउनुभयाे ।

अन्तिम अपडेट: असार ३, २०७६

तपाईको प्रतिक्रिया