आईपीएल क्रिकेटमा आज दिल्ली र गुजरात खेल्दै
बैशाख १२, २०८१ बुधबार
पाँचथर – गएको बुधबारदेखि बन्द रहेको मेची राजमार्ग एकतर्फी खुलेको छ ।
मेची राजमार्गअन्तर्गत राँके-फिदिम सडक खण्डको फाल्गुनन्द गाउँपालिका-३ को पाँग्रेभिरमा गएको पहिरो पन्छ्याएपछि वुधबारबाट राजमार्ग एकतर्फी खुलेको हो ।
वर्षासँगै पहिरो जाने क्रम नरोकिएपछि मेची राजमार्ग ७ दिनसम्म अवरुद्ध भएको थियो । पहिरोले राजमार्ग अवरुद्ध हुँदा ताप्लेजुङ, पाँचथर र तेह्रथुमको आठराई क्षेत्रबाट अन्यत्र छुटेका र यसतर्फ आउँदै गरेका सवारी साधनहरु बीच बाटोमै रोकिएका थिए ।
सवारी साधन बीच बाटोमै रोकिँदा यात्रुहरुलाई समस्या भएको थियो भने पाँचथरका विभिन्न ठाउँबाट झापातर्फ लैजान लागिएको २७ लाख ८८ हजार रुपैयाँ मूल्य बराबरको टमाटर आधाभन्दा धेरै खेर गएको थियो ।
यो राजमार्गबाट पाँचथरको सदुरमकाम फिदिम हुँदै ताप्लेजुङ र तेह्रथुमको आठराई क्षेत्रमा सवारी सञ्चालन हुने गर्दछ । अहिले पनि वर्षा नरोकिएकाले पाँग्रेभिरमा पहिरोको जोखिम रहेको जिल्ला प्रहरी कार्यालय पाँचथरले जनाएको छ ।
पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।