जथाभाबी फोहर फाल्नेबाट वीरगञ्ज महानगरले उठायो २७ लाख रुपैयाँ
चैत १६, २०८० शुक्रबार
भारतीय टिमको प्रशिक्षक पदको शर्ट लिस्टमा परेका वेस्ट इण्डिजका पूर्व प्रशिक्षक फिल सिमन्सले आफ्नो नाम फिर्ता लिएका छन् ।
उनीसहित बीसीसीआईले ६ जनाको नाम सार्वजनिक गरेको थियो । उनीहरुको आज अन्तरवार्ता हुँदै छ र सम्भवतः राति सम्ममा भारतीय टिमको नयाँ प्रशिक्षकको नाम घोषणा हुने छ ।
नयाँ प्रशिक्षकको कार्यकाल २०२० मा अस्ट्रेलियामा आयोजना हुने टी-२० विश्वकपसम्म हुने छ । तर सिमन्सले वर्तमान प्रशिक्षक रवि शास्त्री नै अगाडि रहेको थाहा पाएपछि उनले आफ्नो नाम फिर्ता लिएको हुन सक्ने भारतीय सञ्चारमाध्यमहरुले आंकलन गरेका छन् ।
त्यस बाहेक न्यूजिल्याण्डका पूर्व प्रशिक्षक माइक हसन, अस्ट्रेलियाका पूर्व खेलाडी तथा श्रीलंकाका प्रशिक्षक टम मूडी, भारतीय टिमका पूर्व म्यानेजर लाचन्द राजपूत र भारतकै पूर्व फिल्डिङ प्रशिक्षक रविन सिंंह भारतीय क्रिकेटकाे नयाँ प्रशिक्षककाे दाैडमा छन् ।
पूर्व भारतीय टिमका कप्तान कपिल देवको अध्यक्षतामा रहेको तीन सदस्यीय कमिटीले आवेदन दिएकाहरुलाई अन्तर्वार्ता लिइरहेका छन् । सिमन्स आईसीसी विश्वकप २०१९ मा अफगानिस्तानको टिमका प्रशिक्षक रहेका थिए । अफगानिस्तान विश्वकपमा पुछारमा रहँदै आउट भएको थियो ।