विश्वकपको फाइनल चलिरहँदा मैदानमा प्रवेश गर्नेहरुलाई १५ दिन जेल र ३ वर्ष प्रतिबन्ध

 साउन १, २०७५ मंगलबार १३:४३:६ | एजेन्सी
unn.prixa.net

मस्कोको एउटा अदालतले विश्वकप फुटबलको फाइनल चलिरहँदा मैदानमा प्रवेश गर्ने चार जनालाई १५ दिनको जेल सजाय सुनाएको छ । 

लुझ्निकी रंगशालामा फ्रान्स र क्रोएसियाबीच खेल भैरहँदा प्रदर्शनकारी समूहका चार जना व्यक्ति मैदानमा प्रवेश केही बेर खेल रोकिएको थियो । मैदान प्रवेश गरेको केही समयपछि प्रदर्शनकारी समूह ‘पुस्सी रायट’ ले सामाजिक सञ्जालमार्फत घटनाको जिम्मेवारी लिएको थियो । 

मैदानमा प्रवेश गर्ने व्यक्तिहरु पुस्सी रायट समूहका भेरोनिका निकुल्सिना, ओल्गा पाक्तुसोभा, ओल्गा कुराच्योवा तथा प्योट्र भर्जिलोव रहेको जनाइएको छ । चारै जनालाई १५ दिनको जेल सजायका साथै तीन वर्षसम्म कुनै पनि खेलकुद समारोहमा सहभागी हुन प्रतिबन्ध लगाइएको छ । 

यो पनि पढ्नुहोस् 

विश्वकपको फाइनल चलिरहँदा मैदानमा प्रवेश गर्ने चार जना को हुन् ?

 

अन्तिम अपडेट: चैत १४, २०८०

तपाईको प्रतिक्रिया