टेलिभिजनकी अभिनेत्री मौनी रोयको बलिउड डेब्यू फिल्म ‘गोल्ड’ बक्स अफिसमा सफल भएको छ । साथै फिल्ममा मौनी रोयको अभिनयको पनि प्रशंसा भएको छ । 

यस फिल्मबाहेक मौनी रोय अहिले अभिनेता रणवीर कपूर र आलिया भट्टका फिल्म ‘ब्रम्हास्त्र’ को छायाँकंनका लागि बुल्गेरियामा छिन् । 

मौनीलाई अहिले बलिउड फिल्ममा कामका लागि थुप्रै प्रस्तावहरु आइरहेका छन् । यही कारणले हुन सक्छ मौनी यतिबेला थोरै पारिश्रमिकमा काम गर्न राजी छैनन् । खबरहरुका अनुसार मौनीले एक वेब सिरिजको प्रस्तावलाई पारिश्रमिक कम भएकै कारण अस्वीकार गरिदिएकी छिन् । मौनीलाई त्यस वेब सिरिजका निर्माताहरुले अर्की टेलिभिजन नायिक हिना खानको तुलनामा निकै थोरै पारिश्रमिक दिने कुरा गरे पछि मौनीले त्यो भन्दा बढी पारिश्रमिक मागेकी थिइन् । 

मौनीले उक्त वेब सि।िजका लागि प्रति एपिसोड ३ लाख रुपैयाँ मागेकी थिइन् । साथै हिना खानले प्रति एपिसोड २ लाख ५० हजार रुपैयाँ लिइरहेकाले आफूले ३ लाख रुपैयाँ लिने बताएपछि निर्माताहरु मौनीको प्रस्ताव नमानेर फर्किएका छन् । हिना खानलाई टेलिसिरियल ‘कसौटी जिन्दगी के’ को रिमेकमा कोमलिकाको भूमिकाको लागि प्रस्ताव गरिएको छ । यस शोमा हिना खान प्रति एपिसोड २ लाख ५० हजार लिइरहेकी छिन् । 

मौनी रोयको कुरा गर्नुपर्दा फिल्म ‘गोल्ड’ बाट बलिउड डेब्यू गरेसँगै उनको हातमा अहिले ३ वटा फिल्महरु रहेका छन् । फिल्म ‘ब्रम्हास्त्र’, ‘रो’ र ‘मेड इन चाइना’ मार्फत मौनी दर्शकमाझ आउने तयारीमा छिन । त्यसैले पनि मौनी रोयले अहिले उनको पारिश्रमिक बढाउनुको कारण हुन सक्छ ।