कृषि सामग्री कम्पनी लिमिटेडको खाद्य गोदाममा ट्रकले आफ्नै सहचालक  किच्यो

 भदौ २७, २०७५ बुधबार १७:६:१७ | सुमन तिमल्सिना

मोरङ – कृषि सामग्री कम्पनी लिमिटेड क्षेत्रीय कार्यालय विराटनगरको गोदाममा  ट्रकका सहचालकको ज्यान गएको छ । 

बाहिरबाट ल्याएको सामान अनलोड गर्ने क्रममा ना ५ ख ५८८८ नम्बरको ट्रकका सहचालकलाई त्यही ट्रकले ठक्कर दिँदा उनको ज्यान गएको हो ।  

बाहिरबाट ल्याइएको खाद्यान्न गोदाममा अनलोड गर्नभन्दा पहिला गाडीलाई मिलाउने क्रममा नाम थर तथा वतन खुल्न नसकेका युवकको ज्यान गएको जिल्ला प्रहरी कार्यालय मोरङले जनाएको छ । 

कृषि सामाग्री संस्थानको खाद्य गोदाममा भएको घटनाको समयमा कार्यालय प्रमुख समेत कार्यालयमा नभएको पाइएको छ ।  प्रहरीले ट्रकका चालक काभ्रेको ज्याम्दी गाउँपालिका ३६ वर्षीय बिनोद शाहीलाई नियन्त्रणमा लिएको छ । घटनाबारे थप अनुसन्धान भइरहेको जिल्ला प्रहरी कार्यालय मोरङले जनाएको छ । 
 

अन्तिम अपडेट: असोज १९, २०७५

सुमन तिमल्सिना

उज्यालोका माेरङ सहकर्मी सुमन तिमल्सिना विराटनगरको स्काई एफएममा पनि काम गर्नुहुन्छ । उहाँलाई फेसबुकमा भेट्न सकिन्छ ।

तपाईको प्रतिक्रिया