एसीसी प्रिमियर कप क्रिकेटको सेमिफाइनलका खेल आज : नेपालले यू...
बैशाख ७, २०८१ शुक्रबार
यात्रुको नाक र कानबाट रगत बग्न थालेपछि मुम्बईबाट जयपुरका लागि उडेको जेट एयरवेजको एउटा विमान आकस्मिक अवतरण गरिएको छ । विमानमा रहेका १६६ मध्ये ३० जना यात्रुको नाक र कानबाट एक्कासि रगत निस्किएको थियो ।
विमान चालक दलको लापर्वाहीले गर्दा यो घटना भएको हो । चालक दलले विमानभित्रको प्रेसर रेगुलेट गर्न बिर्सेपछि हावाको दबाब बढेका कारण यात्रुको नाक र कानबाट रगत निस्किएको थियो ।
मुम्बईबाट जयपुरका लागि उडेको जहाज यात्रुहरुको स्वास्थ्यमा समस्या आएपछि फेरि मुम्बईमै अवतरण गराइएको थियो ।
भारतीय नागरिक उड्डयन प्राधिकरणका अधिकारीका अनुसार जेट एयरवेज बी७३७ एयरक्राफ्ट(९डब्ल्यू ६९७) मा यात्रा गरेका १६६ मध्ये ३३ जना यात्रुको नाक र कानबाट रगत निस्किएको थियो ।
ती अधिकारीले भने, ‘उडानका बेला क्रू मेम्बर हावाको चापको सन्तुलन मिलाउन बिर्सेका कारण नै यो दुखद घटना हुन पुग्यो । केही यात्रुलाई अक्सिजन मास्कसमेत लगाइएको थियो ।’
#WATCH: Inside visuals of Jet Airways Mumbai-Jaipur flight that was turned back to Mumbai airport midway today after a loss in cabin pressure (Source: Mobile visuals) pic.twitter.com/SEktwy3kvw
— ANI (@ANI) 20 September 2018