२० वर्षमुनिका युवालाई छोटो भिडियो बनाएर एकलाख रुपैयाँ पुरस्कार जित्ने अवसर

उज्यालो सहकर्मी

सोमबार, साउन २५, २०८३

२० वर्षमुनिका युवालाई छोटो भिडियो बनाएर एकलाख रुपैयाँ पुरस्कार जित्ने अवसर

काठमाण्डौ — २० वर्षमुनिका प्रतिभावान युवालाई छोटो भिडियो बनाएर एकलाख रुपैयाँ पुरस्कार जित्ने अवसर आएको छ । अस्कर कलेज र चलचित्र विकास बोर्डको सहकार्यमा चौथो युवा सर्ट फिल्म फेस्टिभल प्रतियोगिताको आह्वान भएको हो ।

प्रतियोगितामा पहिलो हुनेले एक लाख, दोस्रो हुनेले ५० हजार र तेस्रो हुनेले २५ हजार पुरस्कार प्राप्त गर्नेछन् । प्रतियोगिताका पुरस्कार विजेता प्रतियोगीले अस्कर कलेज पढ्न चाहेमा कलेजले ५० प्रतिशत छात्रवृत्ति उपलब्ध गराउने पनि आयोजकले जनाएको छ ।

सर्ट फिल्म कम्तीमा आठ मिनेट र बढीमा १५ मिनेटको हुनुपर्नेछ । भदौ ८ गतेसम्म आफूले बनाएको भिडियो बुझाइसक्नुपर्नेछ ।

प्रकाशित मिति: सोमबार, साउन २५, २०८३ ११:०२