राष्ट्रपति पौडेलद्वारा बङ्गलादेशका नवनियुक्त राष्ट्रपतिलाई बधाई

उज्यालो सहकर्मी

शनिबार, भदौ ६, २०८३

राष्ट्रपति पौडेलद्वारा बङ्गलादेशका नवनियुक्त राष्ट्रपतिलाई बधाई

काठमाण्डौ — राष्ट्रपति रामचन्द्र पौडेलले बङ्गलादेशका २३औँ राष्ट्रपतिमा निर्वाचित मिर्जा फखरुल इस्लाम आलमगीरलाई बधाई एवं शुभकामना व्यक्त गर्नुभएको छ ।

राष्ट्रपति पौडेलले नवनिर्वाचित राष्ट्रपति आलमगीरलाई नयाँ जिम्मेवारीका लागि सफलताको शुभकामना व्यक्त गर्दै नेपाल र बङ्गलादेशबीच लामो समयदेखि कायम मैत्रीपूर्ण सम्बन्धलाई अझ सुदृढ बनाउने नेपालको प्रतिबद्धता दोहोऱ्याउनुभएको छ ।

शुभकामना सन्देशमा राष्ट्रपति पौडेलले नेपाल र बङ्गलादेशका नागरिकलाई एकआपसमा जोड्ने गहिरो जनस्तरीय सम्बन्धसहित विद्यमान बहुआयामिक सम्बन्धलाई अझ प्रगाढ बनाउने प्रतिबद्धता व्यक्त गर्नुभएको ढाकामा रहेको नेपाली राजदूतावासले जनाएको छ ।

प्रकाशित मिति: शनिबार, भदौ ६, २०८३ ०८:११