पहिरोले केहीबेर थुनिएको गोरखाको स्यार खोलामा पहिलेजस्तै पानी बग्न थाल्यो

उज्यालो सहकर्मी

सोमबार, भदौ १५, २०८३

पहिरोले केहीबेर थुनिएको गोरखाको स्यार खोलामा पहिलेजस्तै पानी बग्न थाल्यो

फाइल तस्वीर

काठमाण्डाै – गोरखाको चुमनुब्री गाउँपालिका–७ छेकम्पार चौरीखर्कपारि जङ्गलमा पहिरो खस्दा स्यार खोला आज बिहान केहीबेर थुनिएको छ । स्यार खोला बूढीगण्डकीको सहायक खोला हो ।

पहिरो खस्दा झन्डै आधा घण्टा स्यार खोलामा पानी कम बगेको थियो । अहिले खोलामा पहिलेजस्तै पानी बगेको छ । तर स–साना पहिरो खसिरहेको छ ।

जोखिम कम भए पनि तल्लो क्षेत्रमा रहेकालाई चनाखो रहन चुमनुब्री गाउँपालिकाले आग्रह गरेको छ ।

प्रकाशित मिति: सोमबार, भदौ १५, २०८३ १२:३१