उदयपुरको बेलकामा जङ्गली हात्ती ‘सानो दारे’ मृत भेटियो

रासस

बुधबार, असोज २८, २०८३

उदयपुरको बेलकामा जङ्गली हात्ती ‘सानो दारे’ मृत भेटियो

काठमाण्डाै – उदयपुरको बेलका नगरपालिका–१ धानखेतमा वयस्क जङ्गली भाले हात्ती मृत भेटिएको छ ।

‘सानो दारे’ नामले चिनिने २० देखि २५ वर्ष उमेरको हात्ती धानखेतमा हिजो मरेको अवस्थामा भेटिएको हो ।

कोशीटप्पु वन्यजन्तु आरक्षबाट झण्डै एक किलोमिटर दूरीमा रहेको धानखेतमा जङ्गली हात्ती मृत फेला परेको डिभिजन वन कार्यालय उदयपुरका प्रमुख गजेन्द्र श्रेष्ठले जानकारी दिनुभयो ।

उहाँका अनुसार मृत हात्ती एक वर्ष यता आरक्ष क्षेत्रमा बस्दै आएको थियो । कोशी टप्पु वन्यजन्तु आरक्षबाट परीक्षणपछि मात्रै हात्तीको मृत्युको कारण खुल्नेछ ।

प्रकाशित मिति: बुधबार, असोज २८, २०८३ ०९:५४