कार्यभार सम्हालेको पाँच दिनमै ह्वाइट हाउसकी प्रेस सेक्रेटरीद्वारा राजीनामा

अमेरिकी ह्वाइट हाउसकी प्रेस सेक्रेटरी केट जाकारियाले आफ्नो पदबाट राजीनामा दिनुभएको छ । पद सम्हालेको पाँच दिनभित्रै उहाँले राजीनामा दिएको बीबीसीले जनाएको छ ।

जाकारियाको पहिलो सार्वजनिक प्रस्तुति नै विवादमा परेपछि उत्पन्न दबाबका कारण पद छाड्नुपरेको हो । यसअघि राष्ट्रपति डोनाल्ड ट्रम्पले आफूले प्रेस सेक्रेटरी जाकारियालाई राजीनामा दिन सुझाव दिएको बताउनुभएको थियो ।

मङ्गलवार भएको आफ्नो पहिलो पत्रकार सम्मेलनमा जाकारियाले १५ मिनेटभन्दा कम समय बिताउनुभएको थियो र पत्रकारका जम्मा तीन वटा प्रश्नको जवाफ दिनुभएको थियो । उहाँको यो प्रस्तुति निकै आलोचित बनेको थियो ।

उहाँ क्यारोलिन लेभिटको स्थानमा ह्वाइट हाउसको ३७ औं प्रेस सेक्रेटरी नियुक्त हुनुभएको थियो । अक्टोबर ९ मा प्रेस सेक्रेटरीको रूपमा घोषणा गरिएकी जाकारियाले अक्टोबर १२ मा आधिकारिक रूपमा आफ्नो कार्यभार सम्हाल्नुभएको थियो ।

अमेरिकामा आउँदो नोभेम्बरमा हुने मध्यावधि चुनाव नजिकिँदै गर्दा डेमोक्रेटहरूले जकारियाको आकस्मिक राजीनामालाई रिपब्लिकन ह्वाइट हाउसको असफलताको रूपमा उठाएका छन् ।