च्याम्पियन्स लिगमा पीएसजीले बार्सिलोनालाई हरायो, पीएसजीको लगातार तेस्रो जित

पेरिस सेन्ट जर्मेन (पीएसजी) ले यूईएफए च्याम्पियन्स लिगमा बार्सिलोनालाई हराएको छ । गएराति भएको रोमाञ्चक खेलमा पीएसजीले बार्सिलोनालाई ४–२ गोलले पराजित गरेको हो ।

घरेलु मैदान पार्क डेस प्रिन्सेसमा भएको खेलमा पीएसजीका लागि डेजिरे दुए, लुकास हर्नान्डेज, भिटिन्हा र फेबियन रुइजले समान १÷१ गोल गरे भने बार्सिलोनाका जाभी एस्पार्ट र लामिन यमालले गोल फर्काए । पीएसजीले लगातार तेस्रो जित निकालेको छ ।

यस्तै लिभरपुलले भिल्लारियलसँगको खेलमा पुनरागमन जित निकालेको छ । एनफिल्डमा भएको खेलमा दुई गोलले पछाडि परेको स्थितिबाट भिल्लारियललाई ४–३ ले हराएको हो ।

त्यस्तै फिल फोडेनको ह्याट्रिकको मद्दतले म्यानचेस्टर सिटीले एईके एथेन्सलाई ५–१ गोलले हराएको छ ।