ब्राजिलमा आज राष्ट्रपतीय चुनाव हुँदै, सिल्भा र बोल्सोनारोबीच प्रतिस्पर्धा

ब्राजिलमा नयाँ राष्ट्रपति चयनका लागि आज मतदान हुँदैछ ।

वर्तमान राष्ट्रपति तथा वामपन्थी नेता लुइज इनासियो लुला मब सिल्भा र दक्षिणपन्थी सिनेटर फ्लाभियो बोल्सोनारोबीच प्रतिस्पर्धा हुन लागेको बीबीसीले जनाएको छ ।

८० वर्षीय लुला चौथो पटक राष्ट्रपति बन्ने प्रयासमा हुनुहुन्छ । ४५ वर्षीय फ्लाभियो पूर्वराष्ट्रपति जाइर बोल्सोनारोका छोरा हुनुहुन्छ । जाइर बोल्सोनारो सन् २०२२ को चुनावमा पराजित भएपछि सत्ता कब्जा गर्ने षड्यन्त्र गरेको अभियोगमा २७ वर्षको जेल सजाय भोगिरहनुभएको छ ।

यसअघि अक्टोबर ४ मा भएको पहिलो चरणको मतदानमा फ्लाभियोले अग्रता हासिल गर्नुभएको थियो । त्यसपछि उहाँका समर्थकहरूले विभिन्न ठाउँमा चुनावी ¥याली आयोजना गरेका छन् ।

फ्लाभियोले संगठित अपराधविरुद्ध कडा कारबाही गर्ने, कर घटाउने र सरकारी खर्च कटौती गर्ने प्रतिबद्धता व्यक्त गर्नुभएको छ । उहाँले आफ्ना बुबालाई जेलबाट मुक्त गराउने प्रतिबद्धतासमेत जनाउनुभएको छ ।

यता, राष्ट्रपति लुलाले आफ्नो चुनावी अभियानलाई लोकतन्त्र र राष्ट्रिय सार्वभौमिकताको मुद्दासँग जोड्नुभएको छ । हिजो चुनावी सभालाई सम्बोधन गर्दै उहाँले ब्राजिलका नागरिकले परिवर्तन चाहेको भए पनि पछाडि फर्कन नचाहेको बताउनुभयो ।

लुलाको वर्कर्स पार्टीले जाइर बोल्सोनारोमाथि लागेको सत्ता कब्जाको षड्यन्त्रसम्बन्धी अभियोगलाई लोकतान्त्रिक संस्थामाथिको खतराको उदाहरणका रूपमा प्रस्तुत गर्दै आएको छ ।