८ शहरमा फ्लडलाइटसहितका क्रिकेट रङ्गशाला बन्ने

उज्यालो सहकर्मी

सोमबार, कात्तिक ९, २०८३

८ शहरमा फ्लडलाइटसहितका क्रिकेट रङ्गशाला बन्ने

फाइल तस्वीर

काठमाण्डाै – सरकारले ‘होम एन्ड अवे’ अवधारणामा खेल सञ्चालन गर्ने गरी ८ वटा शहरमा फ्लडलाइटसहित क्रिकेट रङ्गशाला निर्माणको काम अघि बढाएको छ ।

आजदेखि शुरू हुन लागेकाे तेस्राे संस्करणकाे नेपाल प्रिमियर लिग (एनपीएल) लाई सामाजिक सञ्जाल फेसबुकमार्फत शुभकामना दिँदै पूर्वाधार विकासमन्त्री सुनिल लम्सालले कम्तीमा ८ हजार दर्शक क्षमताकाे रङ्गशाला निर्माणकाे काम शुरू भएकाे बताउनुभएकाे हाे ।

३ वर्षभित्र निर्माण सम्पन्न गर्ने लक्ष्यसहित अघि बढाइएकाे याेजनाले एनपीएललाई देशभर विस्तार गर्दै नेपाली क्रिकेटकाे विकासमा नयाँ आयाम थप्ने मन्त्री लम्सालले विश्वास व्यक्त गर्नुभएकाे छ ।

प्रकाशित मिति: सोमबार, कात्तिक ९, २०८३ १४:२७