परराष्ट्रमन्त्री एवं नेपाली कांग्रेसका केन्द्रीय सदस्य डा. नारायण खड्काको जन्म २००५ साल चैत ७ गते भोजपुरमा भएको हो । उहाँका बुबाको नाम चित्रबहादुर खड्का र आमाको नाम धर्मकुमारी खड्का हो । २०२३ सालमा विद्यार्थी संगठनबाट राजनीतिक यात्रा थालेका खड्काले अर्थशास्त्रमा भारतको पुनेबाट विद्यावारिधी (पीएचडी) गर्नुभएको छ ।
राष्ट्रिय योजना आयोगको उपाध्यक्ष समेत भएका खड्काले नेपाली कांग्रेसका नेता स्व. कृष्णप्रसाद भट्टराई प्रधानमन्त्री हुँदा उहाँको सल्लाहकारका रुपमा काम गर्नुभएको थियो ।
२०६४ सालको पहिलो संविधानसभा तथा २०७० सालको संविधान सभा चुनावमा उदयपुर क्षेत्र नम्बर १ बाट खड्का विजयी हुनु भएका थियो । २०७४ सालको संसदीय चुनावमासमेत उहाँ यसै क्षेत्रबाट विजयी हुनुभयोे । यस पटक उहाँको प्रतिस्पर्धीमा एमालेकी मञ्जु चौधरी हुनुुहुन्छ ।
