नेपाली कांग्रेसको १४ औँ महाधिवेशन २०७८ बाट सहमहामन्त्री पदमा निर्वाचित महालक्ष्मी उपाध्याय (डिना) को जन्म २०२१ सालको असोजमा चितवनको चैनपुरमा भएको हो । उहाँले एसएलसीसम्मको शिक्षा पद्मकन्या मावि लैनचौर काठमाडौंबाट हासिल गर्नुभएको हो । उहाँले पद्मकन्या बहुमुखी क्याम्पसबाट ग्रामिण विकास विषयमा स्नातकोत्तर तहको शिक्षा हासिल गर्नुभएको छ ।
२०३६ सालमा नेपाल विद्यार्थी संघको साधारण सदस्य भएर राजनीति सुरु गरेकी डिना उपाध्याय २०६४ सालमा र २०७० सालमा समानुपातिक प्रणालीबाट सांसद बन्नुभएको थियो । उहाँ २०६४ सालमा जलश्रोत राज्यमन्त्री बन्नुभएको थियो ।
२०४८ तथा २०५१ सालमा मकवानपुर २ बाट संसदीय निर्वाचनमा उम्मेदवार बने पनि उहाँ पराजित हुनुभयो । त्यस्तै २०७४ सालको संघीय संसदको चुनावमा पनि उहाँ पराजित हुनुभएको थियो ।