राष्ट्रिय स्वतन्त्र पार्टीका सभापति रवि लामिछाने राजनीतिमा प्रवेश गर्नुअघि टेलिभिजन प्रस्तोता हुनुहुन्थ्यो । सन् २०१३ को अप्रिलमा नेपालको न्युज २४ टेलिभिजनमा निरन्तर ६० घण्टाभन्दा बढी समय टेलिभिजन अन्तर्वार्ता चलाएर उहाँले विश्व रेकर्ड कायम गर्नु भएको छ ।
न्युज २४ टेलिभिजनमा सिधा कुरा जनतासँग कार्यक्रम चलाएर चर्चामा आएका लामिछाने पछिल्लो समय ग्यालेक्सी फोरके टेलिभिजनमा सिधा कुरा कार्यक्रम चलाउनुहुन्थ्यो ।
विसं २०७६ भाद्र महिनामा आफ्ना सहकर्मी शालिकराम पुडासैनीको आत्महत्या पश्चात् उनले रेकर्ड गरेको भिडियोको आधारमा रवि लामिछानेलाई प्रहरीले पक्राउ गरी अदालतमा पेश गरेको थियो । पछि यथेष्ट प्रमाण नपुगेको भन्दै चितवन जिल्ला अदालतले आगामी दिनमा मुद्दाको बारेमा अन्तर्वार्ता नगर्ने शर्तमा पाँच लाख धरौटीमा रिहा गरेको थियो ।
उहाँ पहिलोपटक उम्मेदवार बन्नुभएको छ ।
