तालिबान सरकारले अजरबैजानमा हुने कोप–२९ मा भाग लिने

कात्तिक २५, २०८१ आइतबार १५:२३:२१ | एजेन्सी

अफगानिस्तानको तालिबान सरकारले अजरबैजानमा भोलिदेखि शुरू हुने संयुक्त राष्ट्रसङ्घीय जलवायु परिवर्तन शिखर सम्मेलन अर्थात् कोप–२९ मा भाग लिने भएको छ ।

सन् २०२१ मा सत्ता कब्जा गरेको विद्रोही समूह तालिबानले अन्तर्राष्ट्रिय मान्यता पाएको छैन । सन् २०२१ पछि तालिबान सहभागी हुने यो नै सबैभन्दा ठूलो र पहिलो अन्तर्राष्ट्रिय सम्मेलन हुनेछ । तालिबान सरकारका प्रवक्ता अब्दुल कहल बाल्खीले आफ्नो सरकार जलवायुका मुद्दामा गम्भीर रहेकाले कोप–२९ मा भाग लिने बताउनुभएको समाचार संस्था रोयटर्सले जनाएको छ ।

अफगानिस्तान जलवायु परिवर्तनका कारण हुने जोखिमको छैटाैं स्थानमा छ । तालिबान अधिकारीहरूले राजनीतिक घटनाका कारण आफूहरूलाई अन्तर्राष्ट्रिय जलवायु वार्ताबाट रोक्न नहुने बताउँदै आएका छन् । तालिबानको राष्ट्रिय वातावरण संरक्षण एजेन्सीका अधिकारीहरूले जलवायु परिवर्तनलाई राजनीतिकरण गर्न नहुनेमा बारम्बार जोड दिँदै आएका छन् ।

तालिबानको कब्जाका कारण रोकिएका वातावरणसँग सम्बन्धित परियोजनाहरू पुनर्स्थापना गर्न पनि अधिकारीहरूले आग्रह गरेका छन् । भोलिदेखि अजरबैजानको बाकुमा कोप–२९ सम्मेलन आयोजना हुँदैछ ।

अन्तिम अपडेट: मंसिर २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तालिबान सरकारले अजरबैजानमा हुने कोप–२९ मा भाग लिने

गेटी इमेजेज

तपाईको प्रतिक्रिया