पछिल्लो ३० वर्षमा पृथ्वीको तीन चौथाइ जमिन स्थायी रूपमा सुक्खा : संयुक्त राष्ट्रसङ्घ

अबको ७५ वर्षमा सुक्खा जमिनमा बस्ने मानिसको सङ्ख्या ५ अर्ब नाघ्न सक्ने चेतावनी

मंसिर २७, २०८१ बिहीबार १८:२१:४२ | एजेन्सी

पछिल्लो ३० वर्षमा पृथ्वीको तीन चौथाइ जमिन स्थायी रूपमा सुक्खा भएको संयुक्त राष्ट्रसङ्घको प्रतिवेदनले देखाएको छ । संयुक्त राष्ट्रसङ्घका वैज्ञानिकहरूले संसारका केही भागहरूमा बाढी र आँधीबेहरीजस्ता नाटकीय पानीसम्बन्धी प्रकोपहरू तीव्र भए पनि पछिल्ला दशकहरूमा पृथ्वीको ७७ प्रतिशतभन्दा धेरै अर्थात् तीन चौथाइ जमिन स्थायी रूपमा सुक्खा भएको बताएका हुन् ।

सन् २०२० सम्मको तीन दशकमा पृथ्वीको झन्डै ७७ दशमलव ६५ प्रतिशत जमिनमा अघिल्लो ३० वर्षको अवधिको तुलनामा सुक्खा अवस्था निम्तिएको मरुभूमिकरणविरुद्ध लड्न संयुक्त राष्ट्र महासन्धि (यूएनसीसीडी) को प्रतिवेदनमा उल्लेख छ ।

साउदी अरेबियाको रियादमा भएको १६औं यूएनसीसीडी सम्मेलनमा सार्वजनिक प्रतिवेदनले हरितगृह ग्यास उत्सर्जनलाई रोक्न नसके विश्वको तीन प्रतिशत सिमसार भूमि सुक्खा भूमिमा परिणत हुने चेतावनी दिएको छ ।

प्रतिवेदनका अनुसार पछिल्लो ३० वर्षमा विश्वव्यापी सुक्खा भूमिको क्षेत्रफल झन्डै ४३ लाख वर्ग किलोमिटरले विस्तार भएको छ, यो भारतको क्षेत्रफलभन्दा झन्डै एक तिहाइ बढी हो ।

सुक्खा जमिनमा बस्ने मानिसको सङ्ख्या विगत तीन दशकमा दोब्बरले बढेर दुई अर्ब तीन करोड जना पुगेको छ । यही क्रम जारी रह्यो भने सन् २१०० सम्ममा सुक्खा जमिनमा बस्ने मानिसको सङ्ख्या पाँच अर्ब नाघ्ने प्रतिवेदनमा उल्लेख छ । यसले मरुभूमिकरण र जलवायुसम्बन्धी सुक्खापन बढाउने र अर्बाैं मानिसको जीवन र जीविकोपार्जनलाई खतरामा पार्ने संयुक्त राष्ट्रसङ्घले जनाएको छ ।

जमिनमा खडेरीको समस्या हुने ठाउँमा युरोपको ९६ प्रतिशत, पश्चिम अमेरिकाका केही भू–भाग, ब्राजिल, एशिया र मध्य अफ्रिकाको केही भू–भाग रहेको प्रतिवेदनमा उल्लेख छ । यस्तै प्रतिवेदनले दक्षिण सुडान र तान्जानियामा जमिनको ठूलो भाग सुक्खा हुने पनि बताएको छ ।

अन्तिम अपडेट: माघ २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पछिल्लो ३० वर्षमा पृथ्वीको तीन चौथाइ जमिन स्थायी रूपमा सुक्खा : संयुक्त राष्ट्रसङ्घ

अबको ७५ वर्षमा सुक्खा जमिनमा बस्ने मानिसको सङ्ख्या ५ अर्ब नाघ्न सक्ने चेतावनी

साङ्केतिक तस्वीर

तपाईको प्रतिक्रिया