भारतको छत्तीसगढमा शीर्ष माओवादी नेता बसवराजू मारिए

जेठ ८, २०८२ बिहीबार १४:११:७ | एजेन्सी

भारतको छत्तीसगढमा सुरक्षा बलसँगको भीडन्तमा परेर शीर्ष माओवादी नेता बसवराजू मारिएका छन् ।

भारतीय गृहमन्त्री अमित शाहले छत्तीसगढ राज्यको नारायणपुरमा सुरक्षा बलको कारबाहीमा २७ जना माओवादी मारिएकामा सीपीआई–माओवादीका महासचिव, शीर्ष नेता र नक्सलवाद आन्दोलनका प्रमुख नम्बाला केशव राव अर्थात् बसवराजू पनि रहेका सामाजिक सञ्जाल एक्समार्फत जानकारी दिनुभएको छ ।

गृहमन्त्री शाहले नक्सलवादलाई समाप्त गर्ने लडाइँमा ऐतिहासिक उपलब्धि भएको बताउनुभयो । यस्तै उहाँले अपरेशन ‘ब्ल्याक फरेस्ट’ पूरा भएपछि छत्तीसगढ, तेलङ्गाना र महाराष्ट्र राज्यमा ५४ जना पक्राउ परेका र ८४ जनाले आत्मसमर्पण गरेका जानकारी दिनुभयो ।

हिजो छत्तीसगढको नारायणपुर, बीजापुर र दन्तेवाडा जिल्लामा भएको मुठभेडका क्रममा २७ जना माओवादी मारिएका प्रहरीले पनि दाबी गरेको बीबीसी हिन्दीले जनाएको छ ।

सरकारले यसलाई ऐतिहासिक उपलब्धि बताए पनि माओवादलाई नजिकबाट नियाल्ने केही विज्ञ र पत्रकारहरूले माओवाद समाप्त भएको घोषणा गर्नु धेरै चाँडो हुने विश्वास गरेका खबरमा उल्लेख छ ।

पछिल्ला केही वर्षहरूमा सुरक्षा बलले नक्सल विरोधी अभियानहरूमा सफलता हासिल गरेका छन् तर उनीहरूले क्षति पनि बेहोर्नुपरेको छ । साथै सुरक्षा बलका केही कार्यहरूमाथि पनि प्रश्न उठेका छन् ।

छत्तीसगढ प्रहरीले यो अपरेशनलाई ऐतिहासिक विजयका रूपमा वर्णन गरेको छ । यस अपरेशनमा जिल्ला रिजर्भ गाड्र्स (डीआरजी) का एक जवानको पनि ज्यान गएको छ ।

सरकारी तथ्याङ्कानुसार सन् २०२५ मा मारिएका माओवादीहरूको सङ्ख्या एक सय ८० भन्दा धेरै पुगेको छ ।

अन्तिम अपडेट: जेठ ३१, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतको छत्तीसगढमा शीर्ष माओवादी नेता बसवराजू मारिए

तस्वीर : सामाजिक सञ्जाल

तपाईको प्रतिक्रिया