बाग्लुङमा भएको जीप दुर्घटनामा ज्यान गुमाउनेको सङ्ख्या चार पुग्यो : घाइते १० जनाको उपचार चल्दै

जेठ ३१, २०८२ शनिबार ९:५५:३३ | उज्यालो सहकर्मी

काठमाण्डौ – बाग्लुङमा भएको जीप दुर्घटना ज्यान गुमाउनेको सङ्ख्या चार पुगेको छ । ढोरपाटन नगरपालिका–५ अस्तुमा हिजो भएको जीप दुर्घटनामा ढोरपाटन नगरपालिका–२ का चार जनाले ज्यान गुमाएका हुन् ।

ज्यान गुमाउनेहरुमा ७० वर्षीय नरबहादुर कार्की, ७५ वर्षीया भीमकुमारी बुढा र मनकुमारी थापा तथा २१ वर्षीया टीकाकुमारी कुँवर रहेको जिल्ला प्रहरी कार्यालयका प्रहरी निरीक्षक केशव थापाले जानकारी दिनुभयो ।

दुर्घटनामा घाइते भएका जीपका चालक २७ वर्षीय गोविन्द थापासहित १० जनाको उपचार भइरहेको छ ।

घाइतेमध्ये आठ जनाको मणिपाल अस्पताल पोखरामा र दुई जनाको मिसन अस्पताल पाल्पामा उपचार भइरहेको प्रहरीको भनाइ छ । अरु दुई जना उपचारपछि डिस्चार्ज भएका छन् ।

बुर्तिबाङ बजारबाट ढोरपाटन नगरपालिका–५ चौरका लागि छुटेको लुम्बिनी प्रदेश ०१००१ च १७७५ नम्बरको जीप हिजो बेलुका दुर्घटना भएको थियो । जीपमा चालकसहित १६ जना थिए ।

अन्तिम अपडेट: असार २५, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाग्लुङमा भएको जीप दुर्घटनामा ज्यान गुमाउनेको सङ्ख्या चार पुग्यो : घाइते १० जनाको उपचार चल्दै

रासस

तपाईको प्रतिक्रिया