लस एन्जलसमा नेशनल गार्ड परिचालनविरुद्ध परेको रिट खारेज

असार ७, २०८२ शनिबार ९:४२:४० | एजेन्सी

अमेरिकी राष्ट्रपति डोनाल्ड ट्रम्पले लस एन्जलसमा नेशनल गार्ड परिचालन गरेपछि त्यसविरुद्ध परेको रिट अदालतले खारेज गरेको छ ।

पुनरावेदन अदालतले राष्ट्रपति ट्रम्पको प्रशासनले लस एन्जलसमा राष्ट्रिय गार्ड सेनाको नियन्त्रण राख्न सक्ने फैसला गरेको हो ।

अदालतले नेशनल गार्ड परिचालन र नियन्त्रणको अधिकार राष्ट्रपतिमा निहित रहने समेत बताएको छ । तर क्यालिफोर्नियाका गभर्नर गेभिन न्युसमले सामाजिक सञ्जाल एक्समा ट्रम्प कानूनभन्दा माथि नभएको टिप्पणी गर्नुभएको छ ।

यसअघि पनि उहाँले नेशनल गार्ड परिचालन गर्ने राष्ट्रपतिको कदम अनुचित रहेको बताउनुभएको थियो ।

अमेरिकी प्रशासनको आप्रवासन नीतिविरुद्ध लस एन्जलसमा प्रदर्शन चर्केपछि ट्रम्पले दुई हजार नेशनल गार्डलाई परिचालन गर्नुभएको थियो ।

साथै ३८ पृष्ठ लामो फैसलामा न्यायाधीशहरुले राष्ट्रपति ट्रम्प न्यायिक समीक्षा भन्दा बाहिर हुन नसक्ने पनि उल्लेख गरेका अन्तर्राष्ट्रिय सञ्चारमाध्यमले जनाएका छन् ।

अन्तिम अपडेट: असार २४, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्