मलेसियामा एक जना नेपालीकाे ज्यान गयाे

कात्तिक ३, २०७६ आइतबार १२:३२:२८ | रासस

काठमाण्डौ – रोजगारीका लागि मलेसिया जानुभएका दाङका एक जनाको ज्यान गएको छ ।

शान्तिनगर गाउँपालिका २ को बाघमारे भन्ने ठाउँका ४२ वर्षीय मोहन केसी (कान्छो) को गएको असोज २९ गते नेपाली समयअनुसार बेलुका साढे चार बजेतिर ज्यान गएको हो ।

दशैँको टीकाका दिन एक्कासी बेहोस भएपछि उपचारका लागि उहाँलाई मलेसियाकै सालम अस्पतालमा लगिएको र उपचारका क्रममा ज्यान गएको आफन्त सुरेश ओलीले बताउनुभयो ।

केसी डीएचएल सप्लाई चैन कम्पनीमा ‘सेक्युरिटी गार्ड’ को रुपमा काम गर्न एक महिनाअघि मात्रै मलेसिया जानुभएको थियो । उहाँको शव सोमबार नेपाल ल्याउने तयारी भएको ओलीले जानकारी दिनुभयो ।

अन्तिम अपडेट: बैशाख ६, २०८१

मलेसियामा एक जना नेपालीकाे ज्यान गयाे

तपाईको प्रतिक्रिया