शेयर बजार सामान्य बढ्याे
चैत १५, २०८० बिहिबार
रुपन्देही - गाई काटेर खाएको आरोपमा प्रहरीले रुपन्देहीमा तीन जनालाई पक्राउ गरेको छ । देवदह नगरपालिका १० भलुहीबाट उनीहरुलाई नियन्त्रणमा लिइएको इलाका प्रहरी कार्यालय बुटवलले जनाएको छ ।
स्थानीय ज्ञानबहादुर केसीले पाल्नका लागि रामप्रसाद पराजुलीलाई दिएको गाई र बाच्छी हराएपछि घटना बाहिर आएको हो ।
रामप्रसाद पराजुली, सुकबहादुर परियार र प्रदिप पुनलाई पक्राउ गरिएको इलाका प्रहरी कार्यालय बुटवलका प्रहरी नायब उपरीक्षक (डीएसपी) भिमलाल भट्टराईले बताउनुभयो । गाई काट्ने र खाने कार्यमा उनीहरूको संलग्नता भेटिएकाले पक्राउ गरिएको प्रहरीले बताएको छ ।
हराएको गाई र बाच्छी खोज्दै जाँदा रोहिणी सामुदायिक वनमा खाल्डो खनेर एउटामा माउ गाई र अर्को खाडलमा बाच्छीको टाउको , खुट्टा आदि फेला परेको थियो ।
यसैगरी लुम्बिनी साँस्कृतिक नगरपालिका ११ जितवापुर गाउँको पूर्वमा रहेको पोखरीमा अन्यत्र गाई काटेर छाला र आन्द्रा पोको पारेर फालिएको अवस्थामा फेला परेको भन्दै प्रदेश सभा सदस्य फकरुद्दीन खानले अनुसन्धानको लागि प्रदेश सरकारसँग माग गर्नुभएको छ ।
सदस्य खानले इस्लाम धर्मावलम्बीको पवित्र महिना रमजान चलिरहेको बेला लुम्बिनीमा स्थानीयबीचको सामाजिक र धार्मिक सहिष्णुता खलल पार्ने उद्देश्यले घटना भएको हुनसक्ने भएकोले अनुसन्धान गर्न माग गर्नुभएको हो ।
रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।
jagbir tamang
May 7, 2020, 10:58 a.m.headline is incorrect, "GAUHATTYA" lol