प्रिमियर लिगमा आज राति आर्सनल र चेल्सी खेल्दै
बैशाख ११, २०८१ मंगलबार
रोल्पा – रोल्पामा शनिबार थप १७ जनामा कोरोना सङ्क्रमण पुष्टि भएसँगै कुल सङ्क्रमितको सङ्ख्या ३४ पुगेको छ ।
भेरी अस्पताल नेपालगञ्जमा गरिएको परीक्षणमा शनिबार थप भएकाहरुमा रोल्पा नगरपालिका १ का पाँच जना र सुनिल स्मृति गाउँपालिकाका १२ जना रहेकाे स्वास्थ्य कार्यालय रोल्पाका कोरोना फोकल पर्सन अरुण भिटु उपाध्यायले जानकारी दिनुभयो ।
यसअघि नै पुष्टि भएका १७ सङ्क्रमित पनि सुनिल स्मृति गाउँपालिकाकै रहेका छन् । सङ्क्रमितहरु सबै भारतबाट आएर क्वरेण्टीनमा बस्दै आएका थिए ।
रोल्पामा अहिलेसम्म आठ सय ८३ को स्वाब परीक्षण गरेर पठाइएकोमा चार सय ६३ को मात्र रिपोर्ट आएको छ । भारतबाट आएर क्वरेण्टीनमा रहेकाहरुको सङ्ख्या एक हजार ६ सयभन्दा बढी छ ।
रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।