काठमाण्डौ - अमेरिकी दूतावासको आयोजनामा काठमाण्डौमा “ब्रिङगिङ् कम्युनिटिज टुगेदर” भर्चुअल कन्सर्ट हुँदैछ ।

शुक्रबार  साँझ ६ बजे हुने भर्चुअल कन्सर्टमा गायक दिवेश पोखरेल अर्थात् ‘आर्थर गन’ले प्रस्तुति दिंदै हुनुहुन्छ । अमेरिकन आइडलको १८ औं सिजनको उप बिजेता पोखरेल अमेरिकन आइडलबाट चर्चित भएका नेपाली–अमेरिकी संगीतकर्मी तथा गायक हुन् । 

भर्चुअल कन्सर्टमा गायक स्वप्न सुमन र गायिकाद्वय तृष्णा गुरुङ तथा समृद्धि राईको प्रस्तुति रहनेछ ।

यस्तै कार्यक्रममा  साङ्गीतिक प्रस्तुतिका साथै अमेरिकी राजदूत -यान्डी डब्ल्यु बेरी, जनस्वास्थ्य विज्ञ डा. अरुणा उप्रेती, र फेशन आइकन प्रबल गुरुङले पनि आशा, स्वास्थ्य, र ऐक्यबद्धताको सन्देश दिने कार्यक्रम छ ।

अमेरिकी दूतावासको फेसबुक पेजमा प्रत्यक्ष प्रसारण गरिने कन्सर्ट कोभिड १९ को महामारीमा नेपाली र अमेरिकी समुदायबीचको सहकार्यको नमुना हुने दूतावासले विश्वास व्यक्त गरेको छ ।