बाँकेमा कार दुर्घटना : चालकसहित दुईको ज्यान गयो

असार ९, २०७७ मंगलबार २०:१५:१८ | गोविन्द शर्मा

बाँके - पूर्व–पश्चिम राजमार्ग अन्तर्गत बाँकेको राप्ती सोनारी गाउँपालिका १ मा रहेको अगैया जङ्गलमा भएको कार दुर्घटनामा दुई जनाको ज्यान गएको छ ।

मङ्गलबार दिउँसो पूर्वबाट पश्चिमकाे लागि छुटेको बा १४ च २७८९ नम्बरको कार अनियन्त्रित भइ सडक किनारको दायाँतर्फ रहेको रुखमा ठोक्किएर दुर्घटना भएको हो ।

कारका चालक भरतपुर महानगरपालिका १२ का ४१ वर्षीय कमल राज लम्साल र पूर्व नवलपरासी कावासोती नगरपालिका ८ का २२ वर्षीय क्षितिज राज कुँवरको ज्यान गएको हो । दुर्घटनामा गम्भीर घाइते भएका दुवैको दिउँसो शिक्षण अस्पताल कोहलपुरमा उपचारकाे क्रममा ज्यान गएको जिल्ला प्रहरी कार्यालय बाँकेले जनाएको छ ।

अन्तिम अपडेट: बैशाख ७, २०८१

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

बाँकेमा कार दुर्घटना : चालकसहित दुईको ज्यान गयो

तपाईको प्रतिक्रिया