चेल्सी एफए कप फुटबलको सेमिफाइनलमा

असार १५, २०७७ सोमबार ६:५६:३७ | उज्यालो सहकर्मी

चेल्सी एफए कप फुटबलको सेमिफाइनलमा प्रवेश गरेको छ ।

क्वाटरफाइनलमा लेष्टर सिटीलाई १ –० गोल अन्तरले पराजित गर्दै चेल्सी अन्तिम चारमा पुगेको हो ।

लेष्टरको मैदानमा भएको खेलमा चेल्सीलाई जित दिलाउन रोस बार्क्लीले निर्णायक गोल गरे ।

पहिलो हाफ गोलरहित बराबरीमा सकिएको खेलको ६३ औं मिनेटमा बार्क्लीले निर्णायक गोल गरेका थिए ।

यससँगै चेल्सी एफए कपको सेमिफाइनलमा पुग्ने तेस्रो टिम बनेको छ ।

यस अघि म्यानचेस्टर युनाइटेड र आर्सनल सेमिफाइनलमा पुगिसकेका छन् ।

अन्तिम अपडेट: बैशाख ४, २०८१