प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
डोटी – डोटीको शिखर नगरपालिकामा रहेका ८४ जना एचआईभी सङ्क्रमितलाई नगरपालिकाले खाद्यान्न वितरण गरेको छ ।
कोरोना भाइरसका कारण काम गर्न नपाएर दैनिक छाक टार्न मुश्किल परेका एचआईभी सङ्क्रमितलाई खाद्यान्न वितरण गरिएको हो ।
लकडाउन र त्यसको प्रभावले जीविकोपार्जन गर्न तथा दैनिक छाक टार्न समस्या भएको जानकारी आएपछि सङ्क्रमितलाई खाद्यान्न वितरण गरिएको नगर प्रमुख सिताराम जोशीले बताउनुभयो ।
उहाँका अनुसार सङक्रमितहरुलाई प्रति व्यक्ति २० किलो चामल, ५ किलो पिठो, २ किलो दाल, २ किलो चिनी र १ लिटर तेल वितरण गरिएको हो ।
लकडाउनपछि नगरपालिकाले नगरका विपन्न परिवारलाई यसअघि पनि खाद्यान्न वितरण गरेको थियो । नगरपालिकामा कम्तिमा पनि एकसयको हाराहारीमा एचआइभी सङ्क्रमित रहेको तथ्याँक छ ।