न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
सङ्खुवासभा – सङ्खुवासभाको सिलिचोङ गाउँपालिका १ का पहिरो पीडितका लागि राहत सामाग्री लिएर गएको हेलिकप्टर अवतरण गर्न नसकेपछि सदरमुकाम खाँदबारीमै फर्किएको छ ।
पीडितहरुको लागि टेन्ट, खाद्यान्न, औषधिलगायतका सामग्री लिएर विराटनगरबाट गएको हेलिकप्टर बाक्लो कुहिरोकाे कारण अवतरण हुन नसकेपछि सदरमुकाम खाँदबारी फर्किएको हो ।
सङ्खुवासभाका सहायक प्रमुख जिल्ला अधिकारी मोहनमणि घिमिरेले घटनाबारे जानकारी गराउनुभएको हो । सिलिचोङमा शनिबार राति गएको पहिरोमा परि ११ जना हराइरहेका छन् भने ७३ घरपरिवार विस्थापित भएका छन् । विस्थापित भएकाहरुलाई पहिरो गएको ठाउँभन्दा केहीमाथि चित्रे भने ठाउँमा सारिएको छ ।
तर चित्रेमा केही घरमात्र रहेकोले घरबार गुमाएर त्यहाँ गएकाहरुलाई राख्न समस्या भएको छ । राहत सामग्रीसमेत नपुग्दा उनीहरुको बिचल्ली भएको छ । सदरमुकामबाट ६० जना सुरक्षाकर्मीको टोली दिउँसो पुगेर खोजी तथा उद्धारकाे काम गरिरहेको छ । खोजी भइरहेको भए पनि हराइरहेकाहरु अहिलेसम्म भेटिएका छैनन् ।
संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।