अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
पर्सा – कोरोना भाइरसको सङ्क्रमणबाट वीरगञ्जमा ७१ वर्षीय एक वृद्धको मृत्यु भएको छ । उहाँको उपचारको क्रममा नेशनल मेडिकल कलेजमा बुधबार दिउँसो मृत्यु भएको हो ।
उहाँको मृत्युपछि आएको रिपोर्टमा कोरोना भाइरसको सङ्क्रमण पोजेटिभ देखिएको पर्साका प्रहरी उपरीक्षक गंगा पन्तले जानकारी दिनुभयो ।
मिर्गाैला र निमोनियाको समस्याबाट पीडित वृद्ध पखाला लागेका कारण अस्पताल भर्ना हुनु भएको थियो । कतिपय अस्पतालले भर्ना लिन नमानेपछि उहाँ मेडिकल कलेजमा पुग्नु भएको थियो ।
उहाँको साउन ११ गते आइतबार नै पीसीआर विधिबाट कोरोना परीक्षणका लागि स्वाब लिइएकाे थियो ।
वृद्धको उपचारकै क्रममा मृत्यु भएको नेशनल मेडिकल कलेजका कोभिड फोकल पर्सन डाक्टर असरफ हुसैनले जानकारी दिनुभयो । यसअघि वीरगञ्जमा बुधबार बिहान ६८ वर्षीय वृद्धको कोरोना भाइरसको सङ्क्रमणका कारण मृत्यु भएको थियो ।
योसँगै नेपालमा कोरोना भाइरसबाट मृत्यु हुनेकाे सङ्ख्या ५१ पुगेको छ ।