धनुषामा निषेधाज्ञा साउन ३२ सम्म लम्बियाे

 साउन २५, २०७७ आइतबार २०:१८:४९ | उज्यालो सहकर्मी
unn.prixa.net

धनुषा – कोरोना भाइरसको सङ्क्रमण बढेपछि स्थानीय प्रशासनले लगाएको निषेधाज्ञा जनकपुरमा अझै सात दिनका लागि थपिएको छ ।

आइतबार जिल्ला प्रशासन कार्यालय धनुषामा बसेको सुरक्षा समितिको बैठकले आउँदो ३२ गते राति १२ बजेसम्मका लागि निषेधाज्ञा लम्ब्याउने निर्णय गरिएको धनुषाका प्रमुख जिल्ला अधिकारी प्रेमप्रसाद भट्टराईले जानकारी दिनुभयो ।

नेपालमा कोभिड–१९ सङ्क्रमणको जोखिम बढेपछि सङ्क्रमण रोक्न सरकारबाट प्राप्त निर्देशन र ऐन नियमले दिएको अधिकार उपयोग गर्दै जिल्ला र पालिकाले भूमिका बढाएका छन् ।

आ–आफ्ना क्षेत्रमा देखिएको सङ्कट विश्लेषणका आधारमा जिल्ला र पालिका क्षेत्र अनुकूलको निर्णय गर्दै कोभिड–१९ विरुद्ध सक्रिय भएका हुन् । सरकारले सङ्क्रमण नियन्त्रणका लागि आवश्यक निर्णय गरेर कार्यान्वयन गर्न कोभिड–१९ जिल्ला सङ्कट व्यवस्थापन केन्द्रलाई अधिकार दिएको छ ।  

अन्तिम अपडेट: साउन ३०, २०७७

तपाईको प्रतिक्रिया