सत्ता गठबन्धनकाे साझा सङ्कल्प : भ्रष्टाचारी एक दिन कानुनको कठघर...
चैत ६, २०८० मंगलबार
नरोए आमा यसपाली तीजमा म आउन सक्दिन
तिमीले पकाएको खिर र ढकने म खान सक्दिन ।
कोरोना भन्ने रोगले आमा निस्कन दिएन
पोहोर साल रमाएर खायौ यो रोग थिएन ।
साथी र भाइ सबैलाई भन्छु यसपालि नरोए
मनको पीडा, दुःख र कष्ट आँसुले नधोए ।
आमा त आफ्नै बाबा त आफ्नै अर्को साल भेटौंला
साथी र भाइ छमछमी नाची रहर मेटाैंला ।
सचेत बनौँ सबैलाई भनौँ नजाउँ है कहिँ पनि
घरैमा बसौँ रमाउँ खाउँ नाचाैं है छमछमी ।
मन्दिर आफ्नै घरलाई सम्झी ननिस्कौँ बाहिर
अत्यन्त काम परेमा मात्र निस्कौँ है माक्स लाएर ।
घर भित्र पस्दा हामीले सधैं हात धोऔँ साबुनले
सेनिटाइजर दली हात सफा गरी बसौँ है मजाले ।
नयाँ साडी, चुरा, टिका र पोते नकिनौं यसपालि
पोहोरकै लुगा लाएर मनाऔँ यो तीज यसपालि ।
सकेमा सहयोग गरौँ है सबले कोरोना पीडितलाई
बचाएर सानो सहयोग गराैं असहाय, दुःखीलाई ।
चाड र पर्व अर्को साल पनि आउँछन् रमाइ मनाउँला
सबैको साथ सहयोग जुटे कोरोना भगाउँला ।।