राप्ती स्वास्थ्य विज्ञान प्रतिष्ठानमा एमडी तहको पठनपाठन शुरु
बैशाख ८, २०८१ शनिबार
पाल्पा – पाल्पामा जारी निषेधाज्ञा शनिबारदेखि सकिने भएको छ ।
गएको ४ गते प्रमुख जिल्ला अधिकारीबाट जारी गरिएको निषेधाज्ञाको अवधि शुक्रबार राति १२ बजे सकिने भएपछि शुक्रबार सम्पन्न कोरोना सङ्क्रमण रोकथाम तथा नियन्त्रण जिल्ला समितिको बैठकले निषेधाज्ञा हटाउने निर्णय गरेको हो । बैठकले सीमा नाकामा कडाइ गरी जिल्लाभित्र निश्चित मापदण्ड पुरा गरी आन्तरिक गतिविधि खुला गर्ने निर्णय भएको छ ।
निषेधाज्ञा सकिए पनि सार्वजनिक यातायातका साधन भने सञ्चालन हुने छैनन् । पाँच सय ८९ कोरोना सङ्क्रमित रहेको पाल्पामा अहिले २४ जना सक्रिय सङ्क्रमित छन् । १९ जना कोरोना सङ्क्रमित आइसोलेशनमा रहेका र पीसीआर परीक्षणका लागि ५ सय बढीको स्वाब पठाए पनि नतिजा नआएको स्वास्थ्य कार्यालय, पाल्पाले जनाएको छ ।
सङ्क्रमितमध्ये ५ सय ६१ जना निको भएर घर फर्किएका छन् । कोरोना सङ्क्रमणबाट पाल्पामा २ जनाको ज्यान गएको छ ।
पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।