प्रदेश २ मा शुक्रबार सार्वजनिक बिदा

कात्तिक १३, २०७७ बिहिबार १५:३५:३९ | उज्यालो सहकर्मी

जनकपुर – प्रदेश २ मा कात्तिक १४ गते शुक्रबार सार्वजनिक बिदा दिइने भएको छ ।

इस्लाम धर्मका प्रवर्तक पैगम्बर हजरत मोहम्मदको जन्मदिनको अवसरमा प्रदेश २ मा सार्वजनिक बिदा दिइने भएको छ ।

प्रदेश २ का मुख्यमन्त्री लालबाबु राउतले शुभकामना वक्तव्य जारी गर्दै पैगम्बर मोहम्मदको जन्मदिनको अवसरमा सम्पूर्ण इस्लाम धर्मावलम्बी तथा प्रदेशवासीहरुमा शुभकामना व्यक्त गर्नुभएको छ ।

‘प्रदेश तथा देशलाई शान्ति र अहिंसाको बाटोमा लैजान पैगम्बर हजरत मोहम्मदको प्रेरणादायी जीवन र उपदेशले सबैमा प्रेरणा प्रदान गरोस् भनी शुभकामना व्यक्त गर्दछु’, मुख्यमन्त्रीले जारी गर्नुभएको विज्ञप्तिमा भनिएको छ ।

अन्तिम अपडेट: बैशाख १३, २०८१

प्रदेश २ मा शुक्रबार सार्वजनिक बिदा

तपाईको प्रतिक्रिया