राष्ट्रिय सभा गृहसँग जाेडिएकाे सिटी मार्केटका ११२ पसलमा सिलबन्दी

 बैशाख २, २०७८ बिहिबार १७:२९:५५ | उज्यालो सहकर्मी
unn.prixa.net

काठमाण्डाै – राष्ट्रिय सभा गृहसँग जोडिएको सिटी मार्केटका एक सय १२ वटा पसललाई काठमाण्डाै महानगरपालिकाले बिहीवार सिलबन्दी गरेको छ ।

लामो समयदेखि विना सम्झौता सञ्चालन भइरहेका पसलमा बिहीवार सिलबन्दी गरिएको महानगरपालिकाका प्रमुख प्रशासकीय अधिकृत राजेश्वर ज्ञवालीले जानकारी दिनुभयो ।

पटक–पटक सूचना प्रकाशित गर्दा पनि पसल नछाडेपछि बिहीवार सिलबन्दी गरिएको ज्ञवालीको भनाइ छ । अब सिटी मार्केटलाई भत्काएर सभा गृहकै रूपमा व्यवस्थित गर्ने पनि उहाँले जानकारी दिनुभयो ।

नगरप्रहरी प्रमुख धनपति सापकोटाले पनि पसलेहरूलाई पटक–पटक सूचना दिँदा पनि नहटाएपछि बिहीवार प्रहरी र नगर प्रहरीले सिलबन्दी गरेको जानकारी दिनुभयो । पसल सिलबन्दी गर्ने क्रममा व्यापारीले विना सूचना हटाएको भन्दै हो–हल्ला गरेका थिए । प्रहरीले उनीहरूलाई माइकिङ गर्दा पनि नहटेपछि अवरोध गर्ने केहीलाई पक्राउ गरेको थियो ।  

अन्तिम अपडेट: चैत ८, २०८०

तपाईको प्रतिक्रिया