प्रिमियर लिगमा आज राति आर्सनल र चेल्सी खेल्दै
बैशाख ११, २०८१ मंगलबार
सप्तरी – सप्तरीको बलान बिहुल गाउँपालिकामा बलान नदीले बगाएका एक बालककाे शव भारतमा फेला परेकाे छ । खेतमा काम गरिरहेका दाजुलाई भात पुर्याउन गएका बलान बिहुल ४ वेल्हीका कृष्णदेव भण्डारीका छोरा १५ वर्षीय सन्ताेष भण्डारीलाई नदीमा आएको बाढीले बगाएको हो ।
नदीपारि खेतमा काम गरिरहेका दाजु सुनील भण्डारीलाई भात पुर्याएर फर्किने क्रममा सन्ताेषलाई बाढीले बगाएको स्थानीयवासीले बताएका छन् । नदीले बगाएकाे केही घण्टापछि सन्ताेषलाई भारतकाे बिहार राज्यका बलानपट्टी गाउँका मानिसहरूले नदीबाट निकाल्दासम्म उनकाे ज्यान गइसकेकाे थियाे ।
मृतक बालककाे शव पाेस्टमार्टमका लागि लगिएको जिल्ला प्रहरी कार्यालय सप्तरीका प्रहरी नायब उपरीक्षक (डीएसपी) एवम् प्रवक्ता माधवप्रसाद काफ्लेले बताउनुभएकाे छ ।