ललितपुरमा भूकम्पले भत्किएका एक सय ५० पाटी पौवा पुनःनिर्माण
बैशाख ७, २०८१ शुक्रबार
अन्ततः मेरो विकल्प मै हुँ भन्ने शैलीमा संविधानको सबै धाराबाट आफूमात्र सरकार चलाउने केपी शर्मा ओलीको महत्वाकाङ्क्षा माटोको हाँडी झैँ फुटेको छ । आफ्नै कार्यशैली र अहंकारका कारण हुँदाखाँदाको प्रधानमन्त्री पद गुमेको छ । ‘सुखी नेपाली र समृद्ध नेपाल’ को नारा कार्यान्वयन गरेर इतिहास बनाउने सुनौलो अवसर खेर गएको छ । पहिलोपटक प्रधानमन्त्री हुँदाको नाम र जस दोस्रोपटक प्रधानमन्त्रीको हुँदाको कार्यशैलीले झण्डैझण्डै धुलिसात बनाएको छ ।
सत्य के पनि हो भने, २०७४ को आमचुनावको जनादेशले ओलीकै लागि प्रधानमन्त्रीको पद तोकेको थियो, तर ओलीका लागि त्यो नपाउनेले पाएको केरा सरह भै दियो । पाँच वर्ष सरकार चलाउन दिएको जनादेशलाई ओलीले सदुपयोग गर्न जानेनन्, सिकेनन् र सकेनन् । फलस्वरुप परमादेशबाट देउवालाई प्रधानमन्त्रीको ‘उपहार’ मिल्यो । परमादेश पालना गर्ने विकल्पको बहाना नपाएर मात्रै ओलीले देउवालाई बालुुवाटार पस्ने बाटो खोलेका हुन् । प्रतिपक्षमा बस्ने जनादेश पाएका देउवा अदालतले दिएको चकलेट चाट्न पाएर गद्गद् छन्, तर आम नागरिकका लागि ओली जानु र देउवा आउनु कागलाई बेल पाके जस्तो मात्रै हो ।
झण्डै दुई तिहाइको सरकार चलाउने जनादेश पाएका ओलीले न समयलाई चिने, न इतिहासको गति बुझे । चुनावी भाषण र घोषणापत्रमा उल्लेख गरिएका रेल, पानीजहाज, घरघरमा ग्याँस पाइप, आफ्नै देशमा तेल उत्खनन्, सबैलाई रोजगारी, सुशासन लगायतका काम थाल्न बाधा र व्यवधान थिएन । जे गर्न खोज्यो, त्यही गर्न सक्ने सम्भावना थियो । तर ४० महिनाभन्दा बढी समय सरकारमा बिताएका ओलीको कार्यकाल आसेपासे पोस्नमा बित्यो ।
पार्टीको आन्तरिक विवादलाई देखाएर प्रतिनिधि सभामा प्रहार गरे । संवैधानिक राष्ट्रपतिलाई विवादित बनाउने काम गरे । संवैधानिक निकायको मर्यादा र निष्पक्षतामाथि जोकोहीले प्रश्न उठाउने अवस्था सिर्जना गरे । कोराेनाले उत्पन्न गरेको आर्थिक सङ्कटतिर आँखा लाएनन्, कोरोनालाई मजाक बनाउँदा सयौँ नागरिकले अनाहकमा ज्यान गुमाए । सरकारको नेतृत्वमा बसेर देश र नागरिकको हितमा काम गर्नुपर्ने बेला पार्टीभित्रको अन्तरकलहमै धेरै समय खर्च गरे ।
यस्तै कार्यशैली र घटना क्रमले ओलीले गरेका राम्रा कामसमेत छायाँमा पारेको छ । भारतीय कब्जामा रहेको नेपाली भूमी समेटेर चुच्चे नक्सा, मेलम्चीको पानी, ऐतिहासिक धरहरा र रानीपोखरी पुनर्निर्माण गर्न, सडक, बिजुली, विमानस्थल लगायतका क्षेत्रमा भएका आशालाग्दा उपलब्धिभन्दा ओलीको कार्यशैली र सत्ता बहिर्गमनलाई इतिहासले बढी सम्झनेछ ।
ओली हटेर देउवा प्रधानमन्त्री बन्न लाग्दा नागरिक झन् निराश छन् । देश र नागरिकका लागि केही गर्न सकिन्छ भनेर पुष्पकमल र माधव नेपालले ओलीको ठाउँमा देउवालाई अघि सारेका पनि होइनन् । आम नागरिकलाई झैँ देउवाका प्रस्तावक दाहाल र नेपाललाई पनि थाहा छ, देउवा र ओली एउटै सिक्काका दुईटा पाटा मात्र हुन् ।
ओलीले पहिलोपटक प्रतिनिधि सभा विघटन गर्दा देउवा चुनावकै पक्षमा थिए । तर आफ्नै पार्टी, माओवादी र चोइटो एमालेको समर्थन पाएपछि मात्र उनी मध्यावधि चुनावको विपक्षमा लागेका हुन् । अहिले पनि झण्डै डेढ वर्ष कार्यकालको प्रधानमन्त्री बन्न उनलाई भित्रैदेखि मन थिएन । तर प्रचण्ड र माधव नेपालले जोडबल गरेपछि उनले नाइँ भन्न सकेनन् । त्यसमाथि ज्योतिषीले भनेको ७ पल्ट प्रधानमन्त्री हुने भविष्यवाणी पूरा गर्ने रहर त पहिलेदेखि नै छँदै थियो । प्रधानमन्त्री बन्ने बाटो खुले पनि सत्ता चलाउन देउवालाई सजिलो छैन ।
पहिलो कुरा त देउवा आश मरेका र अभरिला नेता हुन । यसअघि चारपटक प्रधानमन्त्री हुँदा उनले पनि ओलीले झैँ लोकतन्त्रको हत्या गरेकै थिए । दरबारमा प्रजातन्त्र बुझाएको आरोप त इतिहासले देउवालाई लगाइसकेकै छ ।
दोस्रो, उनी चोइटो एमालेको दयामा बनेका प्रधानमन्त्री हुन पुगेका छन् । देउवालाई प्रधानमन्त्री बनाउन हस्ताक्षर गर्ने १४६ सांसदमध्ये २३ जना एमालेका हुन् ।
संवैधानिक व्यवस्थाअनुसार देउवाले एक महिनाभित्र विश्वासको मत लिनुपर्छ । विभीषणको रुप धारण गरि ओलीलाई सिंहासनबाट फ्याकेपछि माधव नेपाल आफ्नो टाउकोमा फेरि एमालेको प्वाँख सिउरिन प्रयासमा छन् । उनको प्वाँख कसैले नझारेसम्म वा आफैँ नझरेसम्म न त देउवाले बहुमत पाउँछन्, न त बहुमत नपाएको ७६ (५) को प्रधानमन्त्रीले पाउने चुनाव नै गराउन सक्छन् ।
त्यसमाथि भाडभैलो मच्चाउन नाम कमाएका प्रचण्ड जस्ता र अराजकतामा रमाउने बाबुराम र उपेन्द्र जस्ता नेताहरुले देउवाको काँधमा बन्दुक राखेर आफ्नो निशाना लगाउने पनि प्रस्टै छ । त्यसैले, देउवा आउनु र ओली जानुले नागरिकले भोगिरहेका कोरोना कहर, बाढी पहिरो जस्ता समस्या समाधानमा कुनै तात्विक असर पर्ने छैन ।
दुई दशकदेखि रेडियो र अनलाइन पत्रकारितामा संलग्न मिलन तिमिल्सिना समसामयिक विषयमा विश्लेषण र व्यंग्यमा दखल राख्नुहुन्छ।
Saroz Khatiwada
July 13, 2021, 2:59 p.m.अनि तिम्रा बाउ आए अब आरती उतार अब नेपाल लाई स्विजर्ल्यान्ड बनाउछन अब त सरकार को बिरोध गर्दैनौ होला।।