पोल भाडा नतिर्ने इन्टरनेट सेवा प्रदायकका तार काटन् सुरु

 असोज १६, २०७८ शनिबार १७:२५:४६ | उज्यालो सहकर्मी
unn.prixa.net

फाइल तस्बिर

काठमाण्डाै – पोल भाडा नतिरेको भन्दै नेपाल विद्युत प्राधिकरणले देशका विभिन्न ठाउँमा इन्टरनेट सेवा प्रदायकका तार काट्न सुरु गरेको छ ।

प्राधिकरणले साउनदेखि बढाइएको पोल भाडा असोज १५ गते अर्थात हिजोसम्म नतिरेमा तार काट्ने चेतावनी दिएको थियो । आज सांकेतिक रुपमा हरेक वितरण केन्द्रमा कम्तिमा एउटा तार काटिएको प्राधिकरणले जनाएको छ । प्राधिकरणले चितवनको भरतपुर, रुपन्देहीको मणिग्राम, मोरङको विराटनगर, कैलालीको धनगढी, ताप्लेजुङ, काठमाण्डाैकाे कीर्तिपुर, ललितपुरको इमाडोल लगायतका क्षेत्रमा सांकेतिक रुपमा तार काटेको छ ।

प्राधिकरणले तार काट्दा भरतपुर क्षेत्रमा इन्टरनेट सेवा प्रभावित भएको इन्टरनेट सेवा प्रदायकहरुको संस्था आइस्पानले जनाएको छ । अझै पनि सेवा प्रदायकले अटेरी गरेमा आफ्नो पोल प्रयोग गर्ने सबैकाे तार काट्ने प्राधिकरणले चेतावनी दिएको छ । सेवा प्रदायकले भने प्राधिकरणले पोल भाडा चर्को गरी बढाएको भन्दै इन्टरनेटको शुल्क बढाउने घोषणा गरिसकेका छन् । 
 

अन्तिम अपडेट: कात्तिक १९, २०७८

तपाईको प्रतिक्रिया