गुल्मीको इस्मामा डढेलोमा परेर दुई जना घाइते, १५ वटा घरगोठ जले
बैशाख ८, २०८१ शनिबार
डाेटी – नेपाल वायु सेवा निगमले सुदूरपश्चिमका तीन वटा पहाडी जिल्लामा उडान सुरु गर्ने भएको छ ।
बझाङ, बाजुरा र डोटीमा निगमले कैलालीको धनगढीबाट नियमित रूपमा हवाई सेवा सञ्चालन गर्ने तयारी भएको नेपाल वायु सेवा निगमका महाप्रबन्धक डिमप्रकाश पौडेलले बताउनुभयो ।
संस्कृति, पर्यटन तथा नागरिक उड्डयन मन्त्री प्रेमबहादुर आलेले सुदूरपश्चिमका पहाडी जिल्लामा नियमित हवाई उडान गर्न वायु सेवा निगमलाई निर्देशन दिनुभएको छ ।
बाढी पहिरोले राजमार्गसमेत प्रभावित हुँदा सुदूरपश्चिमका नागरिकले सास्ती भोग्दै आएका छन् । सहुलियत भाडा दर कायम गरी हवाई उडान गर्ने योजना रहेको वायु सेवा निगमले जनाएको छ ।
निगमले आउँदाे आइतबारदेखि धनगढी–काठमाण्डौ पनि उडान गर्ने भएको छ ।