आर्मीले जित्यो राष्ट्रिय कबड्डीको उपाधि, एपीएफ ४०–१६ ले पराजित

 बैशाख ७, २०७९ बुधबार १४:५१:३२ | सीताराम ओझा
unn.prixa.net

कैलाली – मुख्यमन्त्री राष्ट्रिय पुरुष कबड्डी प्रतियोगिताको उपाधि विभागीय टोली नेपाल आर्मी क्लबले जितेको छ । आज बुधवार भएको फाइनलमा अर्को विभागीय टोली नेपाल एपीएफ क्लबलाई हराउँदै आर्मीले उपाधि जितेको हो । 

देशकै सर्वाधिक धनराशिको कबड्डी प्रतियोगिताका फाइनलमा आर्मीले एपीएफलाई ४०–१६ ले हरायो । कैलाली जिल्ला कबड्डी सङ्घको आयोजनामा धनगढीमा भएको प्रतियोगिताको उपाधिसँगै आर्मीले एक लाख ५० हजार रुपैयाँ पुरस्कार पाएको छ । उपविजेता एपीएफले ८० हजार रुपैयाँमा चित्त बुझाएको छ ।

यस्तै सेमिफाइनल पुगेका दुई टोली सुदूरपश्चिम प्रदेश र लुम्बिनी प्रदेशले ४०/४० हजार रुपैयाँ प्राप्त गरेका छन् । 

सुदूरपश्चिम खेलकुद परिषद् मुख्य प्रवद्र्धक रहेको प्रतियोगिताका विजयी खेलाडीहरूलाई एक कार्यक्रमका बीच पुरस्कार वितरण गरिएको छ । 

अन्तिम अपडेट: जेठ १४, २०७९

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया