सुर्खेत – नेकपा एमालेले सुर्खेतका नौ वटै पालिकाका मेयर र उपमेयरका उम्मेदवारको टुङ्गो लगाएको छ । एमालेले वीरेन्द्रनगर नगरपालिकाको मेयरमा मोहनमाया ढकाल र उपमेयरमा नीलकण्ठ ढकाललाई उम्मेदवार बनाएको छ ।

यस्तै भेरीगंगा नगरपालिकाको मेयरमा यज्ञप्रसाद ढकाल र उपमेयरमा धनसरा बोहरा, गुर्भाकोट नगरपालिकाको मेयरमा तिलक खत्री र उपमेयरमा सुशीला विश्वकर्मा, पञ्चपुरी नगरपालिकाको मेयरमा धनबहादुर थापा, उपमेयरमा दुर्गादेवी जैशी, लेकबेसी नगरपालिकाको मेयरमा देव राना र उपमेयरमा विमला खडलुकलाई उम्मेदवार बनाएको छ ।

यस्तै चौकुने गाउँपालिकाको अध्यक्षमा हरिप्रसाद अधिकारी र उपाध्यक्षमा निर्मला राना मगर, बराहताल गाउँपालिकाको अध्यक्षमा घनश्याम पाण्डे र उपाध्यक्षमा दुर्गा विष्ट, चिङ्गाड गाउँपालिकाको अध्यक्षमा बोधविक्रम जिसी र उपाध्यक्षमा मीनाकुमारी रोकाय, सिम्ता गाउँपालिकाको अध्यक्षमा ऐनबहादुर चन्द र उपाध्यक्षमा गोमा रेग्मीलाई उम्मेदवार बनाएको हो ।