कालीकाेटकाे नरहरिनाथ गाउँपालिका अध्यक्षमा कांग्रेसका विष्ट विजयी

 जेठ ३, २०७९ मंगलबार १९:७:३९ | मनिराज पाण्डे
unn.prixa.net

कालीकाेट – कालीकोटको नरहरिनाथ गाउँपालिकाको अध्यक्षमा कांग्रेसका नगेन्द्रबहादुर विष्ट र उपाध्यक्षमा माओवादी केन्द्रका कमलकुमार शाह विजयी हुनुभएको छ । 

अध्यक्षमा कांग्रेसका उम्मेदवार विष्टले दुई हजार ६ सय ३६ मत प्राप्त गर्नुभएको छ भने उहाँका प्रतिस्पर्धी एकीकृत समाजवादीका धिरबहादुर विष्टले दुई हजार चार सय ४५ मत प्राप्त गर्नुभएको छ । 

यस्तै उपाध्यक्षमा माओवादी केन्द्रका कमलकुमार शाहले दुई हजार नौ सय १७ र उहाँका प्रतिस्पर्धी कांग्रेसका सीता रावलले दुई हजार दुई सय ८३ मत प्राप्त गर्नुभएको छ । 

गाउँपालिकाकाे नौ वटा वडामध्ये चार वटामा माओवादी, दुई वटामा कांग्रेस, दुई वटामा एमाले र एउटामा स्वतन्त्र उम्मेदवारले वडाध्यक्ष पद जितेका छन् । 

अन्तिम अपडेट: कात्तिक २१, २०७९

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ । 

तपाईको प्रतिक्रिया