श्रीलङ्कालाई विश्व बैंककाे १६ कराेड डलर सहयाेग, इन्धन किन्न खर्च गरिने

 जेठ ४, २०७९ बुधबार १७:४९:२६ | एजेन्सी
unn.prixa.net

गम्भीर आर्थिक सङ्कटमा परेको श्रीलङ्कालाई विश्व बैंकले १६ करोड डलर सहयोग गरेको छ । श्रीलङ्काका प्रधानमन्त्री रनिल विक्रमासिंघेले आज बुधवार संसदलाई जानकारी दिँदै विश्व बैंकबाट छिटै १६ करोड डलर प्राप्त हुने जानकारी दिनुभएको समाचार संस्था एएफपीले जनाएको छ । 

देशमा पेट्रोल सकिएर हाहाकार भइरहेको बेला प्राप्त हुन लागेको यो रकमले पेट्रोल र अन्य इन्धन खरिद गर्ने योजना रहेको प्रधानमन्त्री विक्रमासिंघेले बताउनभुएको छ । यस्तै उहाँले भारतले ऋण सहयोगमा इन्धन दिने भएकाले समस्या कम हुने अपेक्षा गरिएको बताउनुभएको छ । 

गम्भीर आर्थिक सङ्कटमा परेको श्रीलङ्कामा सरकार विरोधी प्रदर्शन चर्किएको छ । विदेशी मुद्राको चरम अभावका कारण औषधि, इन्धन लगायतका अत्यावश्यक वस्तुको अभाव भएको छ । दैनिक उपभोग्य वस्तुको मूल्य आकासिएको छ, लाखौँ परिवार भोकमरीमा धकेलिएका छन् । 

अन्तिम अपडेट: असार ४, २०७९

तपाईको प्रतिक्रिया