नेपालको खराब प्रदर्शन, हङकङले चार विकेटले हरायो
बैशाख ८, २०८१ शनिबार
बारा – बाराको पचरौता नगरपालिकामा नेकपा एमालेले जित हात पारेको छ । मेयरमा नेकपा एमालेका जलन्धर सिंह र उपमेयरमा नसिमा खातुन निर्वाचित हुनुभएको हो ।
सिंह चार हजार सात सय ३२ मत प्राप्त गरेर मेयरमा विजयी हुनुभयाे । उहाँका प्रतिस्पर्धी जनता समाजवादी पार्टी (जसपा) का रमेश यादवले चार हजार चार सय ६१ मत प्राप्त गर्नुभयाे ।
उपमेयरमा खातुन चार हजार पाँच सय ३८ मत ल्याएर विजयी हुनुभयाे । उहाँका प्रतिस्पर्धी जसपाकी सगुफा खातुनले तीन हजार पाँच सय तीन मत प्राप्त गर्नुभयाे ।
यो जितसँगै एमाले पालिका चुनावमा बारामा सबैभन्दा ठूलो दल बनेको छ । एमालेले पाँच वटा पालिकाकाे प्रमुख र एउटा पालिकाकाे उपप्रमुखमा विजयी भएको छ । एमालेले कलैया उपमहानगरपालिका, पचरौता नगरपालिका, निजगढ नगरपालिका, प्रसौनी गाउँपालिका र परवानीपुर गाउँपालिकामा प्रमुख र उपप्रमुखमा जितेको छ भने जितपुरसिमरा उपमहानगरपालिकामा उपप्रमुखमा विजयी भएको छ । यस्तै नेपाली कांग्रेसले चार वटा पालिकाकाे प्रमुखमा जित हात पारेको छ ।
२०७४ को पालिका चुनावमा कांग्रेस ६ वटा पालिकामा जित हात पार्दै सबैभन्दा ठूलो दल बनेको थियो ।
जयनारायण यादव बाराका उज्यालो सहकर्मी हुन् ।