साप्ताहिक अभियान अन्तर्गत व्यक्तिगत घटना सम्बन्धी २३ हजारभन्दा धे...
बैशाख ८, २०८१ शनिबार
दाङ – पश्चिम दाङमा खानेपानीको सहज आपूर्ति नभएको भन्दै उपभाेक्ताले शान्तिनगर गाउँपालिकाका अध्यक्षसँग गुनासाे पाेखेका छन् । आज बिहीवार रित्ता गाग्री लिएर गाउँपालिका पुगेका उपभोक्ताले अध्यक्ष प्रमोद बस्नेतसँग गुनासो पोखेका हुन् ।
गाउँपालिका ४ काे पश्चिम एकलीका झन्डै ५० घरधुरीका उपभोक्ताले अध्यक्ष बस्नेतसँग खानेपानीको समस्याबारे गुनासाे गरेका हुन् । उनीहरूले अध्यक्ष बस्नेतसहित वडा नम्बर ३ का अध्यक्ष मीनबहादुर केसी र वडा नम्बर ४ का अध्यक्ष गोमानबहादुर ओलीसँग छिटोभन्दा छिटो खानेपानीको सहज आपूर्तिका लागि सम्बन्धित निकायसँग पहल गरिदिन आग्रह गरेका हुन् ।
शान्तिनगर ३ काे माइलीपानी खानेपानी संस्थाले वडा नम्बर १ देखि ४ का उपभोक्तालाई निजी धारामार्फत पानी उपलब्ध गराउँदै आए पनि पानीको स्रोत कम र जनसङ्ख्या बढ्दै गएका कारण यस भेगका उपभाेक्ता मर्कामा परेका छन् ।
उपभाेक्ताकाे टाेलीकाे नेतृत्व गर्नुभएका रेशराज कँडेलले आफूहरूलाई पहिला पानी चाहिएकाे अनि मात्र बाटाे चाहिएकाे बताउनुभयाे । गाउँपालिका अध्यक्ष र वडाध्यक्षहरूलाई आफ्नाे समस्या सुनाएकाे र सुनुवाइ हुनेमा आफू विश्वस्त रहेकाे उहाँकाे भनाइ छ ।
भेटमा गाउँपालिकाका अध्यक्ष बस्नेतले खानेपानी समिति र अन्य निकायसँग समन्वय गरेर उपभोक्तालाई खानेपानी सहज रूपमा उपलब्ध गराउनका लागि पहले गर्ने बताउनुभयाे ।
दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।