बाग्मती, गण्डकी, लुम्बिनी र कर्णालीका केही ठाउँमा दिउँसोपछि ह...
बैशाख ८, २०८१ शनिबार
चितवन - चितवन क्षेत्र नम्बर ३ मा एमाले र राप्रपाबीच चुनावी तालमेल नहुने भएकाे छ ।
तालमेल भए राप्रपाका उपाध्यक्ष विक्रम पाण्डे एमाले र राप्रपाका साझा उम्मेदवार हुने सम्भावना थियाे । तर, तालमेल नभएपछि राप्रपाले चितवनका सबै क्षेत्रमा उम्मेदवारी दर्ता गर्ने भएको छ ।
एमाले चितवनका जिल्ला अध्यक्ष रामप्रसाद न्यौपानेले राप्रपासँग कुनै सहमति नभएको बताउनु भएकाे हाे । न्यौपानेलाई एमाले चितवनले सर्वसम्मत उम्मेदवार घोषणा गरेको थियो।
राप्रपाले चितवन क्षेत्र नम्बर ३ मा पूर्वमन्त्री तथा केन्द्रीय उपाध्यक्ष विक्रम पाण्डे, चितवन–१ मा राप्रपा वाग्मती प्रदेशका सहसचिव मधुकुमार भट्टराई र चितवन–२ मा रविन अधिकारीले उम्मेदवारी दिने भएका छन् ।
उम्मेदवारी दर्ता गर्न राप्रपा उपाध्यक्ष पाण्डे चितवन आउनुभएको छ।
राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ ।